İnternet və rəqəmsal texnologiyalar artıq uşaqların gündəlik həyatının ayrılmaz hissəsinə çevrilib. Telefon və planşet onlar üçün həm öyrənmək, həm ünsiyyət, həm də əyləncə vasitəsidir. Lakin ekran qarşısında keçirilən vaxtın artması yeni riskləri də gündəmə gətirir.
Saatlarla oyun oynamaq və sosial şəbəkələrdə vaxt keçirmək uşağın yuxu rejiminə, fiziki aktivliyinə və gündəlik fəaliyyətinə təsir göstərə bilər. Daha ciddi təhlükə isə kiberməkanda qarşılaşılan risklərdir. Tanımadığı şəxslərlə ünsiyyət, kiberzorakılıq, şəxsi məlumatların paylaşılması, zərərli məzmun və təhlükəli onlayn çağırışlar uşaqlar üçün real təhlükəyə çevrilə bilər.
Bu səbəbdən uşaqların müdafiəsi yalnız internetə çıxışın məhdudlaşdırılması ilə bitmir. Onlara rəqəmsal mühitdə təhlükəni tanımaq, şəxsi məlumatlarını qorumaq və riskli vəziyyətdə düzgün qərar vermək bacarığı da aşılanmalıdır.
Sağlam həyat tərzi də artıq yalnız düzgün qidalanma və fiziki aktivliklə məhdudlaşmır. Müasir dövrdə uşağın virtual mühitdə təhlükəsiz davranışı da onun sağlamlığı və təhlükəsizliyinin mühüm tərkib hissəsidir. Bu baxımdan ailə, məktəb və cəmiyyətin birgə maarifləndirici fəaliyyəti xüsusi əhəmiyyət daşıyır.
Ailə və Uşaqlara Sosial Dəstək İctimai Birliyinin Uşaqların zərərli vərdişlərdən qorunması layihəsi çərçivəsində mediada maarifləndirici məqalələrlə çıxış edir.
Uşağı internetdən uzaqlaşdırmaq çıxış yolu deyil
Milli Məclisin Ailə, qadın və uşaq məsələləri komitəsinin sədr müavini Jalə Əliyevanın sözlərinə görə, uşaqları internetdən və mobil telefonlardan tamamilə uzaq tutmaq mümkün olmadığı üçün əsas məqsəd onların virtual məkandan təhlükəsiz istifadəsini təmin etməkdir.
Deputat hesab edir ki, bunun üçün məktəblərdə rəqəmsal təhlükəsizlik və media savadlılığı üzrə xüsusi dərslər və maarifləndirici tədbirlər təşkil olunmalı, valideynlər üçün təhlükəsiz internet istifadəsi ilə bağlı proqramlar həyata keçirilməlidir.
O, həmçinin uşaqlar üçün nəzərdə tutulan platformalarda valideyn nəzarəti mexanizmlərinin gücləndirilməsini, zərərli məzmunların aşkarlanması və silinməsində süni intellekt texnologiyalarından daha geniş istifadəni, sosial media şirkətlərinin məsuliyyət mexanizmlərinin gücləndirilməsini vacib hesab edir.
Jalə Əliyeva sosial şəbəkələrdən istifadə qaydalarının təkmilləşdirilməsinin və yaş məhdudiyyətlərinin tətbiqinin də uşaqların informasiya təhlükəsizliyi baxımından əhəmiyyətli olduğunu vurğulayır.
Onun sözlərinə görə, sosial şəbəkələr artıq yalnız ünsiyyət platforması deyil, uşaqların dünyagörüşünə, davranışlarına, psixoloji vəziyyətinə və dəyərlər sisteminə təsir göstərən mühüm informasiya məkanına çevrilib.
Deputat İnformasiya, informasiyalaşdırma və informasiyanın mühafizəsi haqqında qanuna dəyişikliklərin sosial şəbəkə platformalarının Azərbaycanda hüquqi məsuliyyətinin müəyyənləşdirilməsi və onların fəaliyyətinin daha şəffaf və hesabatlı olması baxımından əhəmiyyət daşıdığını bildirir.
O qeyd edir ki, uşaqların yaşlarına uyğun olmayan, onların fiziki, mənəvi və psixoloji inkişafına mənfi təsir göstərə biləcək məzmunlardan qorunması üçün əlavə mexanizmlərin yaradılması vacibdir.
Uşaqların təhlükəsizliyi təkcə küçədə və ya məktəbdə deyil, həm də telefon ekranının arxasında təmin edilməlidir, deyə deputat vurğulayır.
Kiberməkanda təhlükə necə tanınmalıdır?
Uşaq hüquqları və uşaqların müdafiəsi sahəsi üzrə ekspert Kəmalə Aşumovanın fikrincə, uşağı internetdən uzaqlaşdırmaq çıxış yolu deyil. Əsas məsələ onu təhlükəsiz rəqəmsal davranışa hazırlamaqdır.
Ekspert bildirir ki, uşağa kiçik yaşlarından izah edilməlidir: real həyatda tanımadığı insanla necə ehtiyatlı davranırsa, internetdə də eyni qaydalara əməl etməlidir. Şəxsi məlumatlar, parollar, ünvan, məktəb, telefon nömrəsi və şəxsi görüntülər tanımadığı şəxslərlə paylaşılmamalıdır.
Onun sözlərinə görə, uşaq internetdə təhdid, şantaj və ya narahatedici mesajlarla qarşılaşdıqda problemi gizlətməməlidir. Belə hallarda ekran görüntüsünü saxlamaq, həmin hesabı bloklamaq və etibar etdiyi böyüyə məlumat vermək lazımdır.
Ən əsası isə uşağa deməliyik: Nəyin baş verməsindən asılı olmayaraq, mənə deyə bilərsən. Səni günahlandırmayacağam, deyə K.Aşumova vurğulayır.
Ekspert qeyd edir ki, kiberməkandakı təhlükələr yalnız tanımadığı şəxslərlə ünsiyyət və zərərli məzmunla məhdudlaşmır. Kiberzorakılıq, onlayn manipulyasiya və istismar, şəxsi məlumatların və görüntülərin icazəsiz paylaşılması, saxta hesablar, dələduzluq, yaşa uyğun olmayan məzmun və süni intellekt vasitəsilə hazırlanmış saxta görüntülər də uşaqlar üçün ciddi risklər yaradır.
Roblox sadəcə oyun deyil
Kəmalə Aşumova valideynlərin son vaxtlar xüsusilə narahat olduğu onlayn oyun platformalarına da diqqət çəkir.
Xüsusilə Roblox və digər onlayn oyun platformalarına diqqət yetirmək lazımdır. Bu platformalar uşaqlar arasında çox geniş istifadə olunur və onları sadəcə oyun kimi qiymətləndirmək düzgün deyil. Çünki müasir onlayn oyunlarda uşaqlar digər istifadəçilərlə ünsiyyət qurur, müxtəlif məzmunlarla qarşılaşır, virtual münasibətlər yaradır və bəzən platformadan kənar kommunikasiya kanallarına yönləndirilə bilirlər, deyə ekspert bildirir.
Onun sözlərinə görə, uşağın neçə saat oyun oynaması qədər həmin rəqəmsal mühitin onun emosional vəziyyətinə, davranışlarına və sosial münasibətlərinə təsiri də diqqətdə saxlanılmalıdır.
Uşağın özünə qapanması, emosional gərginliyinin artması, aqressiv və ya qeyriadi davranışlar göstərməsi, ailə üzvləri ilə münasibətlərinin kəskin dəyişməsi valideyn üçün diqqət siqnalı olmalıdır.
Ekspert bəzi hallarda uşaqların təhlükəli çağırışlara, özünə zərər verməyə yönəldən məzmunlara və psixoloji manipulyasiyaya məruz qala biləcəyini də bildirir.
Valideyn nəzarəti kifayətdirmi?
K.Aşumovanın fikrincə, uşaqların rəqəmsal təhlükəsizliyi yalnız valideynlərin üzərinə qoyulmamalıdır. Platformalar, dövlət qurumları, məktəblər və cəmiyyət də bu prosesdə məsuliyyət daşıyır.
Bununla belə, valideyn uşağın gündəlik rəqəmsal həyatına ən yaxın şəxsdir. Ona görə də valideyn uşağın internetdə nə qədər vaxt keçirdiyini, hansı platforma və oyunlardan istifadə etdiyini bilməlidir.
Ekspert valideynlərə istifadə olunan oyun və platformaları araşdırmağı, onların təhlükəsizlik imkanları ilə tanış olmağı tövsiyə edir. Məqsəd valideyni oyunçuya çevirmək deyil, uşağın daxil olduğu rəqəmsal mühit barədə məlumatlandırmaqdır.
Lakin valideyn nəzarəti də təkbaşına kifayət etmir. Uşaqla danışmaq, onu dinləmək, qınamamaq və günahlandırmamaq vacibdir.
Əgər uşaq hansısa oyunda və ya internetdə təhlükəli vəziyyətlə qarşılaşıbsa, ilk reaksiyamız Mən sənə demişdim! olmamalıdır. Uşaq bilməlidir ki, başına nə gəlməsindən asılı olmayaraq, valideyninə danışa bilər, deyə ekspert bildirir.
Onun fikrincə, əsas məqsəd uşağın qarşısına yalnız qadağalar qoymaq deyil. Uşaqları real sosial münasibətlərə, idmana, yaradıcılığa, dostları və ailələri ilə canlı ünsiyyətə yönləndirmək də vacibdir.
Uşaq özünü təhlükədə hiss edirsə, kiberzorakılığa, təhdidə, şantaja və ya onu narahat edən digər onlayn vəziyyətə məruz qalırsa, tək qalmamalıdır. O, valideyninə, müəlliminə, məktəb psixoloquna və ehtiyac olduqda Azərbaycan Uşaq və Qadın Qaynar Xəttinin 116111 nömrəsinə müraciət edə bilər.
Bu gün uşaqların rəqəmsal təhlükəsizliyi artıq yalnız texnologiya məsələsi deyil. Bu, uşağın hüquqları, psixoloji rifahı, ailə münasibətləri və təhlükəsizliyi ilə birbaşa bağlı olan ciddi uşaq müdafiəsi məsələsidir, deyə K.Aşumova vurğulayır.
Bu məqalə QeyriHökumət Təşkilatlarına Dövlət Dəstəyi Agentliyinin maliyyə dəstəyi ilə Ailə və Uşaqlara Sosial Dəstək İctimai Birliyinin Uşaqların zərərli vərdişlərdən qorunması layihəsi çərçivəsində hazırlanıb.
Baş Prokurorluğun mətbuat xidmətindən verilən məlumata görə, vətəndaşların qəbulla bağlı qeydiyyatı şəhər prokurorluğu tərəfindən aparılacaq.
Vətəndaşlar şəhər prokurorluğuna yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 3611407, (012) 3611422, (012) 3610148 nömrəli telefonları, contact@prosecutor.gov.az elektron poçt ünvanı, həmçinin prokurorluğun sosial şəbəkələrdəki səhifələri (intaqram, feysbuk və X) vasitəsilə də qəbula yazıla bilərlər.
Tədbirdə Heydər Əliyev Fondunun vitseprezidenti Leyla Əliyeva iştirak edib.
Dini Qurumlarla İş üzrə Dövlət Komitəsi, Mənəvi Dəyərlərin Təbliği Fondu və Bakı Media Mərkəzinin birgə tərəfdaşlığı ilə ərsəyə gələn filmin baş prodüseri Bakı Media Mərkəzinin rəhbəri Arzu Əliyevadır.
Mərasimdə Azərbaycan nümayəndə heyəti ilə yanaşı, Müqəddəs TaxtTacın dövlət rəsmiləri, diplomatik korpusun və dini icmaların təmsilçiləri, din xadimləri iştirak ediblər.
Tədbirdən əvvəl Azərbaycanın zəngin dinimədəni irsini və multikultural dəyərlərini təcəssüm etdirən fotostend də nümayiş olunub.
Təqdimatda çıxış edən Azərbaycanın Müqəddəs TaxtTacdakı səfiri İlqar Muxtarov filmin ərsəyə gəlməsində əməyi keçən hər kəsə təşəkkürünü bildirərək deyib: Harmoniya sənədli filmi bizi müxtəlifliyin dünyagörüşümüzü necə zənginləşdirə və insanları birbirinə necə yaxınlaşdıra biləcəyi haqqında düşünməyə dəvət edir. Bu gün təqdim olunan film eyni Vətəni Azərbaycanı paylaşan müxtəlif dini ənənələrə mənsub üç gənc qadının hekayəsindən bəhs edir. Film onların gündəlik həyatı vasitəsilə sadə, lakin dərin bir mesaj ötürür: Dini fərqliliklər insanlar arasında məsafə yaratmamalıdır.
İslamın, xristianlığın və yəhudiliyin ölkəmizdə dərin köklərə malik olduğunu diqqətə çatdıran səfir deyib: Məscidlər, kilsələr və çoxsaylı sinaqoqlar yalnız bu müxtəlifliyin abidələri deyil. Onlar birgəyaşayışın canlı ənənəsinin bir hissəsidir. Bu tarixi ənənə dini azadlığa hörmət, mədəni və dini irsin qorunması, həmçinin dinlərarası dialoqun dəstəklənməsinə əsaslanan ardıcıl dövlət siyasəti vasitəsilə qorunub saxlanılıb və möhkəmləndirilib.
Müqəddəs TaxtTacın Dinlərarası Dialoq üzrə Dikasteriyasının İslam işləri üzrə bürosunun rəhbəri Ata Loran Basanez Müqəddəs TaxtTacın Dinlərarası Dialoq üzrə Dikasteriyasının prefekti kardinal Corc Ceykob Kuvakadın müraciətini qonaqlara oxuyub. Müraciətdə kardinal Harmoniya sənədli filminin multikulturalizm və qarşılıqlı hörmətlə səciyyələnən kontekst daxilində Azərbaycanda müxtəlif dini ənənələrin nümayəndələri arasında birgəyaşayış təcrübəsini təqdim etdiyini bildirir. Qeyd olunub ki, filmin elə adı da bizə vacib bir məqamı xatırladır: harmoniya fərqliliklərimizi silməyi tələb etmir, əksinə, o, bizi bu fərqlilikləri hörmət, dialoq və qardaşlıq ruhunda yaşamağı öyrənməyə səsləyir.
Müraciətdə, həmçinin deyilir: Dinlərarası dialoq yalnız bəyanatlar və ya rəsmi görüşlər səviyyəsində qala bilməz. O, eyni zamanda, münasibətlərdə, təhsildə, mədəniyyətdə və müxtəlif inanclara mənsub insanların yanyana yaşamaq tərzində əksini tapır. İncəsənət və kino bu baxımdan xüsusi töhfə verə bilər. Onlar birgəyaşayış haqqında nitqlərdən kənara çıxmağa, dini kimlikləri birbiri ilə görüşməyə, hörmət etməyə və cəmiyyətə birgə töhfə verməyə mane olmayan insanların üzlərini görməyə, səslərini eşitməyə və konkret təcrübələrini kəşf etməyə imkan yaradır.
Dini Qurumlarla İş üzrə Dövlət Komitəsinin sədri Ramin Məmmədov qeyd edib ki, əsrlər boyu Şərqlə Qərbin qovşağında yerləşən Azərbaycan xalqı multikulturalizm, qarşılıqlı hörmət və dinc yanaşı yaşamaq mədəniyyətini təbii olaraq formalaşdırmış və bunu nəsildənnəslə ötürmüşdür. O, bu gün Azərbaycanın hər yerində müxtəlif dinlərin və xalqların nümayəndələrinin sülh və əminamanlıq şəraitində yaşayıbyaratdığını bildirib.
Komitə sədri Harmoniya sənədli filminin Azərbaycan torpağından bütün bəşəriyyətə göndərilən mühüm mənəvi mesaj olduğunu vurğulayaraq deyib: Ölkəmizin müxtəlif müqəddəs ziyarətgahlarında və bölgələrində çəkilmiş film müxtəlif dinlərə mənsub üç qadının gündəlik həyatı, ailə dəyərləri və sarsılmaz dostluğu vasitəsilə Azərbaycanın həqiqi reallığını əks etdirir.
Qeyd edək ki, ekran əsəri beynəlxalq festivallarda və müxtəlif kino platformalarında da təqdim olunur.
AzVision.az xəbər verir ki, bu barədə Koreya Xalq Demokratik Respublikasının (KXDR) Xarici İşlər Nazirliyinin Mərkəzi Teleqraf Agentliyinin (KCNA) yaydığı memorandumunda bildirilir. Sənəddə qeyd olunur ki, bu siyasətin davam etdirilməsi «dəhşətli nüvə fəlakətinə» səbəb ola bilər.
KXDR Xarici İşlər Nazirliyi bildirib ki, ABŞın nüvə texnologiyalarının şaquli və üfüqi yayılmasına yönəlmiş fəaliyyətləri bundan sonra da cəzasız qalarsa, «Pandora qutusu» tamamilə açılacaq və bəşəriyyət dəhşətli nüvə fəlakəti təhlükəsi ilə üzüzə qalacaq.
KXDR XİN, həmçinin ABŞı nüvəsizləşdirilmə ilə bağlı öhdəliklərindən imtina etməkdə, öz nüvə potensialını artırmaqda və müttəfiqləri arasında nüvə texnologiyalarını yaymaqda ittiham edib.
Nazirlik AUKUS çərçivəsində əməkdaşlığın inkişafını da xüsusi qeyd edib. KXDR XİNin məlumatına görə, Vaşinqton digər müttəfiqlərini də bu əməkdaşlığa cəlb etməyə çalışır.
«ABŞın Yaponiya, Cənubi Koreya, Yeni Zelandiya və Kanada da daxil olmaqla müttəfiqlərini AUKUSa cəlb etməyə çalışdığını və bununla da onu həm formal olaraq, həm də mahiyyət etibarilə dünyanın ən böyük nüvə sualtı qayıqları alyansına çevirmək istədiyini nəzərdən qaçırmaq olmaz», – nazirlik bildirib.
Sənəddən o da məlum olur ki, KXDR hazırkı geosiyasi vəziyyətin – «ABŞın nüvə qüvvələrini sürətlə artırması və nüvə texnologiyalarının yayılması istiqamətində açıq fəaliyyəti nəticəsində beynəlxalq nüvə nizamının tamamilə pozulması » şəraitinin – Pxenyanın «dünyada sülhün qorunması və qlobal strateji sabitliyin təmin edilməsində daha fəal rol oynamasını» tələb etdiyini hesab edir.
Xatırladaq ki, daha əvvəl KCNA KXDRin Baş Raket İdarəsinin yeni silahların sınağını uğurla keçirdiyini bildirmişdi. Agentliyin məlumatına görə, sınaq sentyabrın 20də keçirilib və tədbirdə KXDRin ali rəhbəri, Koreya Əmək Partiyası Mərkəzi Komitəsinin baş katibi Kim Çen In iştirak edib.
Sonxeber.aza müraciət edən vətəndaş Pəri Cəfərova bildirib ki, Elgiz Qənizadə ondan 5000 min manat pul alıb. Müraciətdə bildirilir:
Mən, Elgiz Qənizadə Rayon Prokurorluğunda işlədiyi dövrdə zərərçəkmiş şəxs kimi müraciət etmişdim. Həmin vaxt deputatın qardaşı həbs olunmuşdu. Həbs edilən şəxsin böyük qardaşı və dostları barışıq üçün mənə müraciət etmişdilər.
Elgiz Qənizadə şikayətimlə bağlı məni qəbul etdi. Baş verənlər barədə ona ətraflı məlumat verdim. Bildirdim ki, zərərçəkmiş 19 nəfərin içərisində yalnız mənim işimə hüquqi qiymət verilmədən Nərimanov Rayon Prokurorluğuna göndərilib. Lakin gördüm ki, Elgiz Qənizadə də mənə kömək etmədi.
Məcbur olub digər zərərçəkmişlərlə əlaqə yaratdım və onların əlində olan faktları da prokurorluğa təqdim etdim. Sübut etdim ki, eyni ev müxtəlif tarixlərdə ayrıayrı şəxslərə satılıb. Mənim üstünlüyüm ondan ibarət idi ki, mənə verilmiş maliyyə arayışı digər zərərçəkmişlərə verilən arayışlardan daha əvvəl tərtib edilmişdi.
Elgiz Qənizadə gördü ki, bütün sübutları aidiyyəti qurumlara təqdim edirəm. Həmin sübutlardan sonra onun barəsində həbs qətimkan tədbiri seçildi.
O, təcridxanada olduğu müddətdə qohumları mənimlə görüş keçirdilər. Təqsirləndirilən şəxsin qardaşı Rauf və Nurəddin adlı dostu mənə barışıq təklif etdilər. Bildirdilər ki, mənə ödəniş edəcəklər. Lakin eyni zamanda dedilər ki, Elgiz Qənizadə buna imkan vermir, onlardan əlavə 100 min manat pul tələb edir.
Mən də onlara bildirdim ki, zərərçəkmiş şəxs kimi mənə dəymiş ziyan ödənilirsə, Elgiz Qənizadə niyə buna mane olur?
Səhəri gün Elgiz Qənizadənin yanına getdim. O, bildirdi ki, qarşı tərəflə kənarda görüşməməliyəm. Barışıq və görüşlər onun otağında keçirilməlidir.
Daha sonra müstəntiq məni çağırdı və qarşı tərəfin barışıq etmək, dəymiş ziyanı ödəmək istədiyini bildirdi. Bunun üçün notariat qaydasında barışıq ərizəsi yazmalı olduğumu söylədi.
David Yusifovun adı ilə bağlı da bir sıra məsələlər gündəmdə idi. Elgiz Qənizadə nədənsə Elşən Cəbrayılovla və David Yusifovla bağlı məsələlərin həllinə imkan vermirdi.
David Yusifovun Cavid adlı qardaşı müstəntiqin otağında mənə 10 min manat ödəniş etdi. Bildirdi ki, qalan 70 min manat da tam şəkildə ödəniləcək. Mən də həmin vaxt 10 min manatın ödənilməsi ilə bağlı ərizə yazdım.
David Yusifov mənə avtomobil verdi və avtomobilin qiymətinin 49 min dollar olduğunu bildirdi. Daha sonra Elgiz Qənizadə məni çağıraraq 5 min manat ödəməli olduğumu söylədi. Bildirdi ki, bu pulun qarşılığında mənə pulum geri qaytarılacaq. Mən də məcbur olub 5 min manat ödədim.
Mən dəfələrlə Elgiz Qənizadənin qəbulunda olmuşam. Ona bildirirdim ki, məndən 5 min manat pul alıb, pulumun qaytarılacağına söz verib. Hər dəfə mənə səbirli olmağımı söyləyirdi.
Sonradan Suraxanı rayonunda ev aldım. Evin təmiri üçün tikinti şirkəti ilə 21 min 300 manatlıq müqavilə imzaladım. Lakin həmin şirkət evimi yararsız vəziyyətə saldı. Bu məsələ ilə bağlı da ciddi problemlərlə üzləşdim. Bir müddət sonra Elgiz Qənizadənin Suraxanı Rayon Prokurorluğunda işlədiyini eşitdim. Onun yanına gedərək 5 min manat pulumun onda qaldığını bildirdim. O isə mənə yanına gəlməyi söylədi.
Mən onun yanına getdim. O, köməkçisinə ərizə yazmağıma kömək etməsi barədə göstəriş verdi. Mən də ərizə yazaraq Yasin Babayevə evin təmiri üçün 21 min 300 manat ödədiyimi qeyd etdim. Həmin məbləğin 15 min manatına dair çekim var idi, lakin 6 min 300 manatın çekini mənə verməmişdilər.
Elgiz Qənizadə çek olmadığına görə ərizədə yalnız 15 min manatın qeyd olunmasını istədi. Həmin pulu alıb mənə verəcəyini bildirdi. Lakin Elgiz Qənizadə Nərimanovda olduğu kimi, Suraxanıda da məni bu günsabah deyədeyə aldatdı.
Aldadıldığımı hiss etdikdən sonra Bakı Şəhər Baş Prokurorluğuna müraciət etdim. Mənə bildirildi ki, cinayət işinin başlanması üçün ekspertiza təyin olunmalıdır.
Nəhayət, Dövlət Ekspertiza Mərkəzi rəy verdi ki, evin təmiri üçün 6 min 543 manatlıq xərc çəkilib. Sonradan mənə bildirildi ki, pul verdiyim şəxs dələduzdur və digər məsələlər də pulun mənimsənilməsi məqsədilə həyata keçirilib.
Yasin Babayev barəsində cinayət işi başlandı. Lakin yenə də haqsızlıqla üzləşdim. Mənə həm maddi, həm də mənəvi zərər dəydi. Hazırda başıma gələn bu haqsızlıqlar səhhətimdə ciddi problemlər yaradıb. Elgiz Qənizadə dəfələrlə məni aldatdı. Mən müstəntiqlə Elgiz Qənizadə arasındakı yazışmaları oxudum. Həmin yazışmalardan belə qənaətə gəldim ki, o, konkret cinayət işinin başlanmasına və işimin həll edilməsinə mane olurdu.Belə olan halda mən Elgiz Qənizadədən verdiyim 5 min manatın geri qaytarılmasını tələb etdim. Lakin o, pulumu qaytarmadı.
Mən Elgiz Qənizadə ilə bağlı Azərbaycan Respublikasının Baş Prokurorluğuna şikayət etdim və bütün sübutları təqdim etdim. Sonradan bildim ki, Çingiz Qənizadə mənim şikayətim ilə bağlı bir neçə şəxslə görüşüb. Həmin görüşlərdən sonra isə işimə baxılmadı. Əlimdə bütün sənədlər və sübutlar olaola bu gün də haqsızlıqla üzüzəyəm. Çingiz Qənizadənin tapşırığından sonra işimə baxılmadığını düşünürəm.
Mən nə etməliyəm? Çingiz Qənizadə kimi bir ata tapıb, nəyinsə müqabilində işimi kiməsə tapşırmalıyam ki, haqqımı əldə edə bilim?
Mən dövlətimə və ölkə başçısına güvənirəm.Mən Azərbaycan Respublikasının Prezidenti, Ali Baş Komandan cənab İlham Əliyevdən və Azərbaycanın Baş prokuroru Kamran Əliyev kömək istəyirəm.
Hörmətli, Cənab Prezident İlham Əliyev, sizdən xahiş edirəm ki, işimin obyektiv və hərtərəfli araşdırılması, pozulmuş hüquqlarımın bərpası və mənə dəymiş maddi ziyanın ödənilməsi üçün müvafiq tapşırıqlar verəsiniz. Həmçinin Elgiz Qənizadənin və onunla əlbir olduğunu iddia etdiyim şəxslərin fəaliyyətinin qanun çərçivəsində araşdırılmasını, təqsirləri sübuta yetiriləcəyi təqdirdə qanunla cəzalandırılmalarını təmin etməyinizi xahiş edirəm.Mənim yeganə istəyim ədalətin bərpa olunması, illərdir çəkdiyim əziyyətin qarşılığında haqqımın mənə qaytarılması və qanunun aliliyinin təmin edilməsidir.
Qeyd edək ki, Pəri Cəfərova Azərbaycan Respublikasının Baş Prokurorluğuna təqdim etdiyi Elgiz Qənizadə ilə olan yazışmaları və səs yazılarını da Sonxeber.aza təqdim edib.
Məsələ ilə bağlı qarşı tərəfin mövqeyini dərc etməyə hazırıq.
AzVision.az APAya istinadən xəbər verir ki, bunu AfrikaAzərbaycan Əməkdaşlıq Təşkilatının təsisçisi və sədri Rəna Qafarova II Azərbaycan Beynəlxalq İnvestisiya Forumu çərçivəsində keçirilən Afrika və Azərbaycanı birləşdirmək: İnvestisiya, ticarət və artım adlı panel sessiyada deyib.
O bildirib ki, gələcəkdə Azərbaycandan Afrikaya çarter reyslərinin təşkili planlaşdırılır.
Ethiopian Airlines ilə görüşlərimiz var və gələcəkdə Azərbaycandan Afrikaya çarter reyslərinin təşkilini nəzərdə tuturuq. Bu reyslər AZAL və ya Ethiopian Airlines tərəfindən həyata keçirilə bilər. Bildiyiniz kimi, Ethiopian Airlines Afrikanın ən böyük aviaşirkətidir, – Rəna Qafarova qeyd edib.
AzVision.az xəbər verir ki, bunu Trendə açıqlamasında Suriyanın iqtisadiyyat və sənaye naziri Məhəmməd Nidal əlŞaar cümə günü Bakıda keçirilən II Azərbaycan Beynəlxalq İnvestisiya Forumu çərçivəsində deyib.
Nazir iki ölkə arasında əməkdaşlığın genişləndirilməsi üçün böyük imkanların olduğunu bildirib.
Suriyaya və Azərbaycana ticarət, texnologiya və, əlbəttə ki, enerji sahələrində çoxlu imkanlar var. Enerji, şübhəsiz ki, siyahının ilk pilləsindədir. Azərbaycanla qaz sahəsində artıq əməkdaşlıq təcrübəmiz var və ümid edirik ki, bu təcrübə digər sahələri də əhatə etməklə davam edəcək, deyə M.N.əlŞaar qeyd edib.
Onun sözlərinə görə, kənd təsərrüfatı, kənd təsərrüfatı məhsulları və müxtəlif sənaye sahələri də Azərbaycan və Suriya arasında əməkdaşlığın inkişaf etdirilə biləcəyi istiqamətlər sırasındadır.
Azərbaycan və Suriya olaraq hər iki ölkənin yaxşı imkanlara malik olduğu sahələr var. Kənd təsərrüfatı və sənaye də bu istiqamətlərdəndir. Düşünürəm ki, bu sahələrdə əməkdaşlıq hər iki ölkə üçün əhəmiyyətli faydalar yarada bilər, nazir bildirib.
M.N.əlŞaar bu gün Azərbaycan və Suriya arasında Birgə Biznes Şurasının yaradılmasının elan edilməsinin də iki ölkənin işgüzar əlaqələrinin inkişafı baxımından mühüm olduğunu vurğulayıb.
Bu platforma Suriya və Azərbaycan arasında qarşılıqlı əlaqələr üçün bir növ qapı olacaq. Biznes nümayəndələri tərəfdaşlıqların yaradılması, investisiya imkanlarının araşdırılması və hər iki ölkəyə kapital cəlb edilməsi baxımından çox mühüm rol oynayırlar, deyə o bildirib.
Nazirin sözlərinə görə, Birgə Biznes Şurası iki ölkənin biznes dairələrinə qarşılıqlı investisiya imkanlarını daha yaxından araşdırmağa şərait yaradacaq.
Biznes nümayəndələrinə hər iki ölkədə mövcud imkanları araşdırmaq imkanı vermək istəyirik. Bu platforma ticarət və investisiya sahəsində hökumətlərin maraqlarının irəlilədilməsi üçün bir vasitə olacaq, M.N.əlŞaar deyib.
Suriya iqtisadiyyat və sənaye naziri Azərbaycanın Suriyaya təbii qaz ixracının ölkənin enerji təminatına təsirini də qiymətləndirib.
Bu, əlbəttə ki, çox müsbət təsir göstərib və bizə daha çox elektrik enerjisi istehsal etməyə imkan verib. Azərbaycanla bu cür biznes əlaqələrini davam etdirməyə ümid edirik, deyə nazir əlavə edib.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev qonaqlara Prezident İlham Əliyevin təşəbbüsü ilə yaradılmış ASAN xidmət mərkəzləri, burada tətbiq olunan innovativ həllər və dövlət xidmətlərinin göstərilməsi sahəsində əldə olunan nəticələr barədə məlumat verib.
Sonra ABAD publik hüquqi şəxsin direktoru Rüfət Elçiyev qonaqlara təmsil etdiyi qurumun fəaliyyət istiqamətləri barədə geniş təqdimat edib.
Səfər çərçivəsində nümayəndə heyəti INNOLAND İnkubasiya və Akselerasiya Mərkəzinin, Səyyar ASAN xidmətin və Bilim Bakı mərkəzinin fəaliyyəti ilə də tanış olub.
Kampaniyadan yararlanan müştərilərə Azercell tərəfindən 6 ay ərzində 6 GB mobil internet təqdim olunur. İnternet paket hər 28 gündən bir yenilənir. Bundan əlavə, seçilmiş Nothing smartfon modelini alan müştərilərə Azercelldən ağıllı saat da hədiyyə edilir.
Kampaniyada həm yeni, həm də mövcud Azercell müştəriləri iştirak edə bilərlər. Nothing smartfonları kampaniya çərçivəsində 719 AZNdən başlayan qiymətlərlə təqdim edilir.
Qərarda qeyd edilib ki, Azərbaycan Respublikasının İqtisadiyyat Nazirliyi və Azərbaycan Respublikasının Mədəniyyət Nazirliyi bu Qərardan irəli gələn məsələləri qanunvericilikdə nəzərdə tutulmuş qaydada həll etsinlər.
Qeyd edək ki, Bakı Biznes Mərkəzi Məhdud Məsuliyyətli Cəmiyyəti bundan öncə Azərbaycan Respublikası İqtisadiyyat Nazirliyinin tabeliyində idi.
Tədbirlərdə Azərbaycan Hava Yolları QSC (AZAL), üç yerli turizm sənayesi nümayəndəsi, həmçinin Pakistanın Pakistan International Airlines (PIA) və Airblue aviaşirkətləri təmsil olunub. Görüşlərdə Pakistan turizm sektorunun 360dan çox nümayəndəsi iştirak edib.
Proqram çərçivəsində Azərbaycanın tarixi və mədəni irsi, qış turizmi və dağxizək mərkəzləri, sağlamlıq və ekoturizm imkanları barədə məlumat verilib.
Bundan əlavə, Şuşa şəhərinin 2026cı il üçün İqtisadi Əməkdaşlıq Təşkilatının Turizm Paytaxtı elan edilməsi ilə bağlı təqdimat keçirilib.
Azərbaycan və Pakistan turizm sənayesi nümayəndələri arasında keçirilən işgüzar görüşlərdə iki ölkənin turizm sektorları arasında əməkdaşlıq və tərəfdaşlıq imkanları müzakirə olunub.
Bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, Moskva prospekti, Şamaxinka adlanan ərazidə müntəzəm marşrut xətləri üzrə hərəkətin optimallaşdırılması məqsədilə 130, 142, 500, 503 və 508 nömrəli marşrutlar mövcud dayanacaq məntəqəsindən çıxarılır.
Bu marşrutların sərnişinləri Azərbaycanfilm Kinostudiyası dayanacaq məntəqəsindən istifadə edə bilərlər.
Məlumata görə, Şamaxinka adlanan ərazidə isə dayanacaq məntəqəsi qruplaşdırılaraq 3 hissəyə ayrılacaq və sərnişinlərin rahatlığı üçün müvafiq nişanlarla işarələnəcək. Bununla da ərazidə avtobusların dayanacaq ətrafında yaratdığı əlavə sıxlığın qarşısı alınacaq.
Qeyd edilib ki, həmin ərazidə artan sərnişin tələbatının qarşılanması üçün optimallaşdırma işləri və əlavə avtobusların cəlbi də daxil olmaqla kompleks tədbirlər davam etdirilir.
Hadisə sentyabrın 17də baş verib. Ağdaşın tanınmış iş adamı Məhəmməd Əliyevin nəvəsi, 2012ci il təvəllüdlü M.Əliyev çöldə atasına məxsus tir tüfəngi ilə çöl heyvanları ovlamaq istəyib. Açdığı atəşlə 51 yaşlı qonşu qadını yaralayıb. Qadın xəstəxanaya yerləşdirilib.
Hospitalizasiya zamanı vəziyyəti ağır qiymətləndirilən və huşu aydın olmayan körpədə geniş yayılmış səpgilər, nekrotik dəyişikliklər və ağır tənəffüs çatışmazlığı müşahidə edilib. Körpə süni tənəffüs cihazına qoşulub və ona ağır parametrlərdə tənəffüs dəstəyi göstərilib.
Uğurla tamamlanan reanimasiya tədbirlərindən sonra həkimlərin uzunmüddətli intensiv müalicəsi, fasiləsiz tibbi müşahidə və peşəkar yanaşması nəticəsində körpənin vəziyyətində müsbət dinamika əldə olunub.
Müalicə nəticəsində vəziyyəti stabilləşən körpə 12 sentyabr 2026cı il tarixində evə buraxılıb.
Proqramda Azərbaycan professional musiqisinin banisi, dahi bəstəkar Üzeyir Hacıbəylinin ölməz əsərləri, eləcə də klassik musiqi nümunələri simli kvartetin ifasında səsləndirilib.
Musiqi proqramı mərkəzə müraciət edən vətəndaşlarla yanaşı, əməkdaşlar tərəfindən də maraqla qarşılanıb.
Təşəbbüsün əsas məqsədi Milli Musiqi Gününün əhəmiyyətini vurğulamaq, Azərbaycan musiqi irsinin təbliğinə, milli musiqi ənənələrinin qorunması və yaşadılmasına töhfə verməklə yanaşı, xidmət məkanında vətəndaşlar üçün xoş və estetik mühitin yaradılması olub.
Münhen yaxınlığında 5 mindən çox döyüş pilotsuz uçuş aparatının istehsalına başlanılıb. Layihə Almaniya hökumətinin maliyyələşdirməsi ilə AlmaniyaAmerika şirkəti Auterion və Ukraynanın Airlogix şirkəti tərəfindən birgə həyata keçirilir.
DPA agentliyinin məlumatına görə, ilk pilotsuz uçuş aparatları artıq istehsal olunub. Sifarişin 2027ci ilin ortalarına qədər tamamlanması planlaşdırılır. Müqavilənin dəyəri təxminən 300 milyon avrodur.
İki model PUA istehsal ediləcək. Onlardan biri orta mənzilli, digəri isə 1 500 kilometrədək artırılmış uçuş məsafəsinə malik olacaq. Dronların idarəetmə sistemində süni intellekt texnologiyasından istifadə edilir.
David Seliverstov bildirib ki, Çingiz Qənizadənin 90 min məsələsi ilə bağlı açıqlama verməsini gözləmək niyyətində deyil və bu məsələ ilə bağlı özü geniş faktlar və sübutlar ortaya qoymağa hazırdır:
Çingiz Qənizadə 90 minə bağlı açıqlama vermək istəmir. Mən bununla bağlı geniş faktlar və sübutlar ortaya qoyacam. Nizami Məmmədov 2021ci ildə DTX tərəfindən həbs edilib və məhkəmə qərarı ilə 11 il 6 ay müddətinə azadlıqdan məhrum edilib. Söhbət Müdafiə Nazirliyinin sabiq maliyyəbüdcə rəisindən gedir. Onun istintaq dövründə təxminən 12 milyon manat məbləğində dəymiş zərəri ödədiyi bildirilir.
Eyni zamanda, istintaq və məhkəmə materiallarında Müdafiə Nazirliyinin büdcəsindən mütəşəkkil dəstə tərəfindən böyük məbləğdə vəsaitin mənimsənilməsi ilə bağlı ittihamlar yer alıb. Məhkəmənin müəyyən etdiyi zərərin Nizami Məmmovun üzərinə düşən hissəsinin 18 milyon manatdan çox olduğu bildirilir. Hazırda Nizami Məmmədovun işi Apellyasiya Məhkəməsindədir.
Mən düşünürəm ki, məhkəmələrimiz kifayət qədər humanistdir. Ona 11 il 6 ay cəza verilib və o, məhkəmənin qərarı ilə ümumi rejimli cəzaçəkmə müəssisəsində cəza çəkir. Cənab Prezident İlham Əliyevin rəhbərliyi ilə ordumuz və xalqımız ərazi bütövlüyümüz uğrunda mübarizə aparırdığı dövrdə dövlətin, ordunun büdcəsi ilə bağlı ağır nəticələr doğuran əməllərin törədilməsi cəmiyyət tərəfindən çox ciddi qiymətləndirilməlidir.
Görürəm ki, Çingiz Qənizadə əsgərin, ordunun və dövlətin qalxanı olan büdcəyə zərər vurmaqda təqsirləndirilən şəxsə kifayət qədər isti münasibət bəsləyir. Çingiz Qənizadə özünün Rəşad adlı dostu və bir icra başçısının atası ilə birlikdə Babək prospektində yerləşən restoranda görüşlər keçirir və həmin görüşlərdə Nizami Məmmədovun məhkəmə işi ilə bağlı məsələləri müzakirə edir, məhkəmə prosesinə təsir göstərməyə cəhdlər göstərir.
David Seliverstov vurğulayıb ki, yaxşı olar ki, Çingiz Qənizadə bu barədə açıqlama versin. Əks halda, o özü açıqlama vermək məcburiyyətində qalacaq:
Mənim mövqeyim aydındır: dövlətimizin büdcəsinə zərər vuran, dövlət vəsaitlərinin mənimsənilməsində təqsirli bilinən şəxslər qanun qarşısında cavab verməlidirlər. Şəhidlərimizin, qazilərimizin və veteranlarımızın haqqı yerdə qalmamalıdır. Nizami Məmmədovun sentyabr ayında təyin olunan məhkəməsində ədalətli qərar çıxarılacağına inanıram. Mən məhkəməyə müdaxilə etmək istəmirəm və belə bir səlahiyyətim də yoxdur.
İnanıram ki, Apellyasiya Məhkəməsi müstəqil və ədalətli qərar qəbul edəcək və əvvəlki qərarı qüvvədə saxlayacaq. Eyni zamanda, səhər Çingiz Qənizadədən cavab gözləyirik. Onu Rəşad adlı şəxslə, Nəsimi Məmmədovla və həmin icra başçısının atası ilə nə bağlayır? Ortada hansı maraqlar var? Bu sualların cavabını cəmiyyətə açıqlasın. Mən yaxşı bilirəm 90 min dollar nədir. Sən də yaxşı bil, Çingiz Qənizadə, o 90 min dollar nədir. Özünü mafioz hesab edib kafe və restoranlarda iş həll etmək dövrü deyil. AXCP vaxtı deyil. Ayıl!.
Mənzilqərargahı Polşada yerləşən Nexta kanalı tərəfindən 2026cı il sentyabr 2də Azərbaycanın Goranboy rayonunun Nizami kəndi yaxınlığında baş vermiş yanğın hadisəsi ilə bağlı subyektiv mülahizələrə əsaslanan, məsələni dövlətlərarası siyasi münasibətlər fonunda təqdim etməyə çalışan və ictimai rəyi çaşdırmağa yönəlmiş məlumat yayılıb.
Bu barədə Azərbaycanın Medianın İnkişafı Agentliyinin (MEDİA) yaydığı bəyanatda qeyd olunub.
Təhlillər göstərir ki, baş verənlər vahid mərkəzdən idarə oluna hibrid informasiya kampaniyasının tərkib hissəsidir. Özünün informasiya mühitindən kənar qüvvələri daim hibrid müharibədə ittiham edən Qərb mediasının özü Azərbaycana qarşı təşkil olunmuş dezinformasiya kampaniyası aparır.
Bu fakt bir daha göstərir ki, regionda qonşu dövlətlər arasında münasibətlərin normallaşması, sabitliyin və firavanlığın möhkəmlənməsi müəyyən dairələrin maraqlarına cavab vermədiyindən, ölkəmizin informasiya məkanını çirkləndirmək və cəmiyyətdə süni təşviş yaratmaq məqsədi daşıyan klassik dezinformasiya halları intensivləşib.
Ümumi informasiya mühitinin monitorinqi və təhlili göstərir ki, son dövrlər bir sıra Qərb media resurslarında Azərbaycana qarşı həqiqətə uyğun olmayan məlumatların yayılması kampaniyası müşahidə olunur. Xüsusilə, Böyük Britaniyanın The Independent, The Guardian qəzetlərində və BBC teleradio və yayım şirkətində, ABŞnin CNN telekanalında, Fransanın Le Monde qəzetində, Polşanın TVP telekanalı və digər resurslarda yayılan materiallardakı aşkar birtərəfli yanaşma və əsassız mülahizələr Azərbaycanın beynəlxalq imicini hədəf alan informasiya hücumunun tərkib hissəsidir.
Bu qəbildən olan fərziyyə və iddiaların yayılması informasiya manipulyasiyasının açıq təzahürü kimi qiymətləndirilməlidir.
Medianın İnkişafı Agentliyi ölkənin suverenliyinə, daxili və xarici siyasətinə, eləcə də beynəlxalq nüfuzuna kölgə salmaq məqsədi daşıyan bu kimi halların araşdırılması və dezinformasiya cəhdlərinin qarşısının alınması istiqamətində lazımi tədbirlər görməkdə davam edəcək, bəyanatda vurğulanıb.
Bu barədə DİNin Baş Dövlət Yol Polisi İdarəsindən məlumat verilib.
Bildirilib ki, yeni dərs ilinin başlanması küçə və yollarda təhsilalanların, xüsusilə uşaq və yeniyetmələrin yol hərəkəti ilə bağlı həyat və sağlamlıqlarının qorunması işində daha kəsərli tədbirlərin görülməsini tələb edir:
Tədbir çərçivəsində uşaq və yeniyetmələrin iştirakı ilə baş verə biləcək yol qəzalarının qarşısının alınması istiqamətində nəzarətprofilaktiki tədbirlərin gücləndirilməsi, onların hərəkət marşrutlarında, təhsil müəssisələrinin yerləşdiyi ərazilərdə yol şəraitinin müayinə olunması, müvafiq yol nişanlarının qoyulması, nişanlanma xətlərinin çəkilməsi və ya yenilənməsi, təhsil işçiləri, valideynlər və ictimai təsisatlarla birgə təhsilalanlar arasında maarifləndirilmə və təbliğattəşviqat işinin daha da intensivləşdirilməsi nəzərdə tutulur.
DİNin Baş Dövlət Yol Polisi İdarəsi yollarda uşaq travmatizminin minimuma endirilməsi istiqamətində hər birimizi ictimai iştirakçılığa və yol hərəkəti qaydalarına riayət etməkdə azyaşlılara şəxsi nümunə olmağa çağırır, məlumatda qeyd edilib. AzVision.az
Bakıda Azərbaycan Respublikasının Minatəmizləmə Agentliyi (ANAMA) və BMTnin Azərbaycandakı nümayəndəliyinin birgə təşkilatçılığı ilə Şəhərlərin bərpası üçün humanitar minatəmizləmə: Təhlükəsiz yaşayış məskənləri üçün mükəmməllik standartlarının müəyyənləşdirilməsi mövzusunda keçirilən IV Beynəlxalq Minatəmizləmə Konfransı davam edir.
Tədbirin ikinci günündə Mina təhlükəsi ilə üzləşmiş şəhərlərin bərpasına siyasətlərin inteqrasiyası, Daha təhlükəsiz və səmərəli humanitar minatəmizləmə üçün texnologiya və innovasiyalar mövzusunda panel sessiyalar, o cümlədən Humanitar minatəmizləmədə milli təcrübə və əldə olunan nəticələr mövzusunda ölkə üzrə təqdimatlar keçiriləcək.
Yekunda konfransın bəyanatının qəbul edilməsi nəzərdə tutulub.
Müzakirələrdən xəbərdar olan dörd şəxsin sözlərinə görə, administrasiya hazırda İrana qarşı iqtisadi təzyiqi artırmaqla gələcək danışıqlarda güzəştlər əldə etməyə çalışır. Mənbələrdən üçü Ağ Ev rəsmisidir.
Biz İrana təzyiqi davam etdiririk. Lakin noyabr prioritetdir, — Ağ Ev rəsmilərindən biri bildirib.
Mənbələrin sözlərinə görə, münaqişənin seçkilərə qədər genişlənməməsi respublikaçıların Senat və Nümayəndələr Palatasında cüzi üstünlüklərini qorumaq üçün apardıqları kampaniyaya kömək edə bilər. Bununla belə, ABŞ və İran arasında gecə ərzində baş verən qarşılıqlı hücumlar administrasiyanın bu strategiyasını çətin vəziyyətə salıb.
Ağ Ev rəsmiləri noyabrın 3dəki səsvermədən sonra hərbi əməliyyatların intensivliyinin artırılmasını nəzərdən keçirə bilərlər. Lakin mənbələr bununla bağlı hələ qərar verilmədiyini və genişmiqyaslı münaqişəyə qayıdışın qaçılmaz olmadığını bildiriblər.
ABŞ ordusu son zərbələrin bölgədəki Amerika qüvvələrinə və dəniz nəqliyyatına qarşı hücumlara cavab olduğunu açıqlayıb.
Mənbələr həmçinin İran rəhbərliyinin mövqeyinin möhkəmlənməsinin gərginliyin azaldılması istiqamətində mümkün cəhdləri çətinləşdirə biləcəyini qeyd ediblər.
Məktəbəqədər və Ümumi Təhsil üzrə Dövlət Agentliyindən verilən məlumata görə, bu günədək 124 mindən artıq uşağın birinci sinfə qəbul prosesi tamamlanıb.
Nəzərinizə çatdırırıq ki, qəbul prosesi www.mektebeqebul.edu.az portalı vasitəsilə elektron şəkildə həyata keçirilir.
İnternetə çıxış imkanı olmayan vətəndaşlar isə aidiyyəti üzrə:
Alternativ qeydiyyat mərkəzlərinə
Agentliyin və yerli idarələrin çağrı mərkəzlərinə
ASAN xidmət mərkəzlərinə müraciət edə bilərlər.
Həmçinin bildiririk ki, üzrlü səbəblərdən I sinfə qəbul prosesində gecikən uşaqların ümumi təhsil müəssisələrinə elektron qəbulu sentyabr ayı ərzində yenidən aktivləşdiriləcək.
AzVision.az xəbər verir ki, bunu TƏBİBin icraçı direktoru Anar Bayramov mətbuat konfransında jurnalistlərin suallarını cavablandırarkən deyib.
Onun sözlərinə görə, hazırda əsas çağırış Azərbaycanda hər 10 min nəfərə düşən 34,5 həkimin ölkə üzrə bərabər paylanmasını təmin etməkdir.
Buradakı disproporsiya bizim üçün əsas çağırışlardan biridir. Böyük şəhərlərdə, o cümlədən Bakıda, Gəncədə, Sumqayıtda və Abşeronda bu göstərici bizi qane edir və səhiyyə sisteminin ehtiyaclarını qarşılayır. Hətta Bakıda hər 10 min nəfərə düşən həkimlərin sayı 101,7dir. Lakin elə ərazilərimiz var ki, orada həkim çatışmazlığı, xüsusilə də ixtisaslı həkim çatışmazlığı nəzərəçarpacaq dərəcədədir, – deyə A.Bayramov bildirib.
TƏBİBin icraçı direktoru qeyd edib ki, həyata keçirilən islahatların əsas məqsədlərindən biri həkimlərin maddi vəziyyətinin yaxşılaşdırılması, əməyinin layiqincə qiymətləndirilməsi və əməkhaqlarının artırılmasıdır.
Eyni zamanda, bu islahatlar səhiyyə sistemimizin qarşısında duran çağırışların qarşılanmasına və mövcud problemlərin aradan qaldırılmasına xidmət edir. Əminik ki, həyata keçirilən tədbirlər regionlarda həkimlərin sayının artmasına və ixtisaslı həkimlərin regionlara cəlb olunmasına çox böyük dəstək olacaq. Əlbəttə, regionlarda həkim çatışmazlığının aradan qaldırılması üçün kompleks yanaşma lazımdır. Burada həkimlərin hüquqlarının müdafiəsi, onlara münasibət, infrastruktur və avadanlıqların mövcudluğu da mühüm əhəmiyyət daşıyır, – deyə A.Bayramov vurğulayıb.
O əlavə edib ki, bütün bu addımlarla yanaşı, gənc həkim regiona köçmək istəmirsə və əməkhaqqı onu qane etmirsə, istənilən nəticəni əldə etmək mümkün olmayacaq.
Ona görə də bu islahat çərçivəsində regionlarda çalışan həkimlər üçün bir neçə istiqamətdə təşviq mexanizmləri tətbiq etmişik. Burada sabit əlavələr kifayət qədər böyükdür və şəhərlərdə tətbiq olunan sabit əlavələrdən fərqlənir. Görülən işə görə verilən əlavə ödənişlər də fərqlidir. Bundan başqa, 1,3 regional əmsal tətbiq olunur. İnanıram ki, bu xəbəri eşitdikdən sonra həkimlərimiz müəyyən araşdırmalar apararaq regionlara üz tutacaqlar. Hesab edirəm ki, bu islahat regionlarda həkimlərin sayına müsbət təsir göstərəcək, – deyə TƏBİB rəhbəri bildirib.
Düzgün seçilmiş qəlyanaltı orqanizmi zəruri enerji ilə təmin edir, fiziki yük zamanı halsızlığın qarşısını alır və məşqdən sonra daha sürətli bərpaya kömək edir. Təsadüfi deyil ki, idman dietoloqları qidalanmanı uğurlu məşqin əsas amillərindən biri hesab edirlər.
Məşqdən əvvəl: ağırlıq yaratmadan enerji toplamaq
Məşqdən 1–2 saat əvvəl orqanizmin enerji mənbəyinə ehtiyacı var. Bunun üçün ən optimal seçim tərkibində mürəkkəb karbohidratlar və az miqdarda zülal olan qidalardır. Belə qidalar qanda şəkərin səviyyəsini sabit saxlamağa, enerjini daha uzun müddət qorumağa və mədədə ağırlıq hissi yaratmamağa kömək edir.
Yaxşı qəlyanaltı variantlarına banan və yulaf lopaları ilə təbii yoqurt, pendirli tost, giləmeyvə və ya az miqdarda qozfındıqla meyvələr daxildir. Vaxt çox azdırsa, yüksək zülallı içki də uyğun seçim ola bilər. Onu idman zalına gedərkən qəbul etmək mümkündür.
Bir çox insan arıqlayarkən süd içməyin düzgün olmadığını düşünür. Mütəxəssislərin fikrincə, süd məhsullarına qarşı dözümsüzlük yoxdursa,süd balanslaşdırılmış qidalanmanın bir hissəsi ola bilər. Əsas məsələ onun kaloriliyini nəzərə almaq və gündəlik ümumi kalori normasına uyğunlaşdırmaqdır. Arıqlamaq məqsədilə süd məhsullarını tamamilə rasiondan çıxarmağa ehtiyac yoxdur.
Məşqdən sonra: bərpa üçün ən uyğun vaxt
Fiziki yükdən dərhal sonra orqanizmdə əzələlərin bərpası və enerji ehtiyatlarının yenilənməsi prosesi başlayır. Buna görə mütəxəssislər məşqdən sonra ilk saat ərzində qida qəbulunu ötürməməyi tövsiyə edirlər.
Ən optimal kombinasiya keyfiyyətli zülal və orta miqdarda mürəkkəb karbohidratlardan ibarətdir. Giləmeyvə ilə kəsmik, təbii yoqurt, omlet, dənli bitkilərlə toyuq filesi, tərəvəzlə balıq və ya zülallı kokteyl yaxşı seçimdir.
Söhbət süd məhsullarından gedirsə, südün tərkibində nə qədər zülal olduğu da maraq doğurur. Orta hesabla 100 millilitr inək südündə təxminən 3 qram zülal var. Bir stəkan süd məşqdən sonrakı qəlyanaltıya yaxşı əlavə ola bilər. Lakin intensiv güc məşqindən sonra tam bərpa üçün süd adətən digər zülal mənbələri ilə birlikdə qəbul edilir.
Məşq axşam saatlarına düşürsə
Məşqdən sonra, xüsusilə də axşam saatlarında heç nə yeməməyin daha yaxşı olduğu barədə geniş yayılmış fikir mütəxəssislər tərəfindən doğru hesab edilmir. Əksinə, əzələlərin bərpası üçün orqanizmə lazımi qida maddələri verilməlidir.
Yüngül axşam yeməyi giləmeyvə ilə kəsmik, qatıq, omlet, kefir və ya zülallı smuzidən ibarət ola bilər. Belə qidalar toxluq hissi yaradır, lakin yatmazdan əvvəl həzm sistemini həddindən artıq yükləmir.
Arıqlamaq istəyənlərin axşam saatlarında süd məhsullarından çəkinməsinə də ehtiyac yoxdur. Ölçüyə riayət edildikdə və gündəlik ümumi kalori norması nəzərə alındıqda, arıqlayarkən süd içmək mümkündür.
Uşaq idman məşğələsindən sonra nə yeməlidir?
Valideynlər uşaqları erkən yaşlarından sağlam həyat tərzinə alışdırır və onları mütəmadi olaraq müxtəlif idman dərnəklərinə aparırlarsa, bir məqamı da nəzərə almalıdırlar: üzgüçülük, futbol, rəqs və digər idman məşğələlərindən sonra uşaqlar da böyüklər kimi sərf etdikləri enerjini vaxtında bərpa etməlidirlər.
Aktiv fiziki yükdən sonra uşağa giləmeyvə ilə kəsmik, təbii və ya içməli yoqurt, müxtəlif növ pendirlər, bir stəkan süd, meyvəli smuzi, çia toxumları və ya tərkibində çoxlu şəkər olmayan südlü kokteyl təklif etmək olar.
Faydalı qəlyanaltılar üçün sadə variantlar
Hər məşqdən əvvəl nə yeyəcəyinizi düşünməmək üçün əvvəlcədən bir neçə sadə və uğurlu kombinasiya müəyyənləşdirə bilərsiniz:
təbii yoqurt, banan və südlə hazırlanmış yulaf lopaları
təzə giləmeyvə, meyvə və mürəbbə ilə kəsmik
süd əlavə edilmiş giləmeyvəli smuzi
pendir, yumurta və toyuq filesi ilə tam taxıllı tost
vaxt az olduqda işlə məşq arasında yüksək zülallı içki
yüngül kardio məşqindən sonra bananla kefir və ya süd.
İdman qidalanmasının əsas qaydası dəyişməz olaraq qalır: rasion fiziki aktivliyin səviyyəsinə uyğun, müxtəlif və müntəzəm olmalıdır. Məhz düzgün qidalanma, kifayət qədər istirahət və müntəzəm məşqlərin vəhdəti arzu olunan nəticəyə daha tez çatmağa, sağlamlığı və ümumi rifahı qorumağa imkan verir.
Sentyabrın 11–13də Böyük Britaniya, İsveçrə və Rusiyadan gələn komandalar Sea Breezedə, Xəzərin sahilində unikal polo şousu təqdim edəcəklər.
Elçin Camallı, Adrian Laplaset, Aleks Vatson, Aqustin Kronhaus, Maykl Henderson, Matias Amaya, Santyaqo Sernadas, Mixail Rodzyanko və digər ulduz poloçuların iştirakı ilə turnir möhtəşəm idman mübarizəsinə çevriləcək.
Böyük Britaniya komandası, İsveçrənin St. Moritz, Rusiyanın Moscow Polo Club və Azərbaycanın Elite Polo Club Azerbaijan komandaları qum üzərində güc, sürət və zərifliyi bir araya gətirəcək.
11, 12 və 13 sentyabr tarixlərində saat 16:00dan etibarən bu unikal qarşılaşmaların şahidi olun və komandalara dəstək verin.
VIP və standart biletləri iticket.az saytından əldə edə bilərsiniz.
Dövlət İmtahan Mərkəzindən bildirilib ki, qəbul planına əsasən, V ixtisas qrupu üzrə Azərbaycan bölməsinə 1 471, rus bölməsinə 115, hər iki bölmənin birgə müsabiqəsi üzrə 3 149 yer olmaqla, ümumilikdə 4 735 plan yeri ayrılıb. Dövlət sifarişi əsasında ayrılan plan yerlərinin sayı isə 1 543dür.
Qeyd olunub ki, V ixtisas qrupu üzrə xüsusi qabiliyyət imtahanı tələb olunan ixtisaslar arasında ən çox plan yeri ümumi fiziki hazırlıq (585 yer), dizayn (460 yer), fiziki tərbiyə və çağırışaqədərki hazırlıq müəllimliyi (455 yer), instrumental ifaçılıq (302 yer) və təsviri incəsənət müəllimliyi (285 yer) ixtisaslarına ayrılıb.
Görüşdə qonaqlara Prezident İlham Əliyevin təşəbbüsü əsasında yaradılmış ASAN xidmət mərkəzləri və burada tətbiq olunan innovasiyalar barədə məlumat verilib. Milli brendimiz olan ASAN xidmətin intellektual məhsul kimi ixracı istiqamətində 30dan çox ölkə və beynəlxalq təşkilatla müqavilə imzalandığı diqqətə çatdırılıb.
Görüş zamanı ASAN xidmət təcrübəsinin Qırğız Respublikası ilə paylaşılması istiqamətində əməkdaşlığın həyata keçirildiyi diqqətə çatdırılıb.
Qonaqlar ölkəmizin dövlət xidmətləri sahəsində olan qabaqcıl təcrübəsini yüksək qiymətləndiriblər.
Həmçinin görüş çərçivəsində qonaqlar INNOLAND İnkubasiya və Akselerasiya Mərkəzinin, Səyyar ASAN xidmətin və ABAD publik hüquqi şəxsin fəaliyyəti ilə də tanış olublar. AzVision.az
Asiyanın biznes müzakirələrində sahibkarlıq çox vaxt tanış obrazlarla təqdim olunur: investor təqdimatı («pitch deck»), vençur kapitalı raundu, texnoloji platforma və sürətli miqyaslanma ambisiyaları. İşin gələcəyi ilə bağlı müzakirənin digər qütbündə isə giq işçisi dayanır — sərnişin daşıyan, yemək çatdıran, rəqəmsal platforma vasitəsilə frilans tapşırıqları yerinə yetirən insanlar.
Bu iki qütb arasında isə daha böyük və daha az görünən bir qrup yerləşir: bəlkə də heç vaxt kənar kapital cəlb etməyəcək və ya texnologiya şirkəti qurmayacaq, lakin buna baxmayaraq müştəri tapmağı, məhsul və ya xidmət satmağı, əməliyyatları idarə etməyi və müstəqil qazanmağı öyrənən insanlar. Onlar Asiyanın sahibkarlıq iqtisadiyyatının gözdən qaçan orta halqasıdır.
Miqyas artıq kifayət qədər böyükdür. Asiya İnkişaf Bankının Asia Small and MediumSized Enterprise Monitor 2025 hesabatına görə, mikro, kiçik və orta müəssisələr 26 Asiya və Sakit okean iqtisadiyyatında orta hesabla bütün müəssisələrin 99,8%ni və işçi qüvvəsinin 67,6%ni təşkil edib, milli iqtisadi məhsulun isə orta hesabla 38,7%ni formalaşdırıb. Onların əksəriyyəti biznes xəbərlərində üstünlük təşkil edən texnologiya sektorlarında deyil, xidmət sahələrində fəaliyyət göstərir.
Bu rəqəmlər qeyriformal və ya müstəqil kommersiya fəaliyyəti ilə qazanc əldə edən hər bir fərdi əhatə etmir. Lakin onlar daha böyük bir həqiqətə işarə edir: Asiya iqtisadiyyatları təkcə iri işəgötürənlər və sürətlə böyüyən startaplar tərəfindən deyil, həm də qatqat kiçik miqyasda fəaliyyət göstərən milyonlarla insan tərəfindən dəstəklənir.
Sahibkarlıq çox vaxt şirkətdən əvvəl başlayır
Bir çox insanlar üçün sahibkarlıq şirkət qeydiyyatı və ya investorlara təqdimatla başlamır. O, ilk müştərini qazanmaqla başlayır: kiminsə nəyə ehtiyacı olduğunu anlamaq, qiymət qoymağı və satmağı öyrənmək, sadə uçot aparmaq və müştərilərin təkrar müraciətini qazanmaq.
«Sahibkarlıq çox vaxt elə müzakirə olunur ki, sanki o, şirkət qurmaqla və ya kapital cəlb etməklə başlayır, — deyə Asiya mənşəli həyat tərzi və sağlamlıq sahəsində birbaşa satış şirkəti olan QNETin Baş İcraçı Direktoru Mattias Mildenborn deyir. — Bir çoxları üçün isə bu, müştəri ehtiyaclarını tanımaqla, dəyəri çatdırmaqla, əməliyyatları idarə etməklə və təkrar sifarişlərə gətirib çıxaran münasibətlər qurmaqla başlayır».
Sahibkar olmaq istəyənlərin qarşılaşdığı maneələr təkcə maliyyə ilə məhdudlaşmır. Məhsul hazırlamaq, ödəniş sistemləri qurmaq, təchizatçılar tapmaq və müştərilərə çatmağın yollarını öyrənmək — bunların hamısı ciddi maneələr ola bilər. Bu infrastrukturun bir hissəsini təmin edən biznes modelləri — sosial ticarət, evdən göstərilən xidmətlər, onlayn təkrar satış, mikrofrançayzinq, kontent yaradıcılarının qurduğu bizneslər və birbaşa satış — daha idarəolunan başlanğıc nöqtəsi təklif edə bilər.
Bunlar eyni modellər deyil və eyni imkanları və ya riskləri daşımır. Lakin onlar iqtisadi iştirakın daha kiçik, daha çevik və mərkəzləşdirilməmiş formalarına doğru daha geniş dəyişikliyi əks etdirir.
Birbaşa satış bu modellərin ən oturuşmuşlarından biridir: o, fərdlərə pərakəndə satış nöqtəsi açmadan və öz təchizat zəncirini qurmadan məhsulları birbaşa müştərilərə təqdim etməyə imkan verir. Bu, giq işi ilə eyni şey deyil. Platforma işçisi adətən qiyməti və şərtləri əsasən platforma tərəfindən müəyyən edilən tapşırığı yerinə yetirir. Birbaşa satıcı isə şirkətin məhsul və kompensasiya çərçivəsi daxilində fəaliyyət göstərir, lakin müştəri tapmaq, məhsulları izah etmək və kommersiya münasibətləri qurmaq üçün daha böyük məsuliyyət daşıyır.
«Müzakirə hansı etiketin digərindən yaxşı olması barədə getməməlidir, — deyə Mildenborn bildirir. — Əsl sual odur ki, model insana növbəti əməliyyatdan sonra da dəyərini qoruyan bacarıqlar və münasibətlər inkişaf etdirməyə kömək edir, ya yox».
Çevik iş gəlir gətirir. Sahibkarlıq isə həm də bacarıq formalaşdıra bilər
Çevik iş gəlirə mühüm çıxış imkanı verir və insanlara təhsil, yaxınlara qulluq və digər öhdəliklərlə yanaşı işləməyə imkan yarada bilər. Lakin çeviklik özlüyündə heç də həmişə daha böyük iqtisadi müstəqilliyə çevrilmir.
BMTnin İnkişaf Proqramının (UNDP) 2026cı ilin iyununda dərc olunmuş hesabatı Asiya və Sakit okean regionunda giq iqtisadiyyatını çevik iş formalarının və platforma əsaslı səmərəliliyin mənbəyi kimi təsvir edib, eyni zamanda iqtisadi qeyrisabitliyi, fırıldaqçı platformaları və məhdud sosial müdafiəni də qeyd edib.
Mikrosahibkarlıq da oxşar qeyrimüəyyənlikdən sığortalanmayıb. Gəlir dəyişkən ola bilər və uğur heç vaxt zəmanətli deyil. Lakin ən yaxşı halda o, bacarıqların zamanla toplanmasına imkan verir: satış və ünsiyyət bacarıqları, maliyyə intizamı, məhsul bilikləri, müştəri münasibətləri və peşəkar reputasiya.
«Mikrosahibkarlığın dəyəri yalnız növbəti satışla ölçülməməlidir, — deyə Mildenborn deyir. — O, həm də fərdin nə öyrəndiyi ilə ölçülməlidir: müştəriləri anlamağı, məsuliyyətlə ünsiyyət qurmağı, pulu idarə etməyi, etimad qazanmağı və nəticələr dərhal gəlmədikdə ardıcıl qalmağı».
Elə buna görə də mikrosahibkarlıq varlanmağın qısa yolu kimi təbliğ olunmamalıdır. Hətta kiçik bir biznesin qurulması davamlı səy, öyrənmə və qeyrimüəyyənliyi qəbul etməyə hazırlıq tələb edir.
Aşağı maneələr həm güc, həm də zəiflik ola bilər
Sahibkarlığı daha əlçatan etmək dəyərli işdir, lakin iştirak qarşısındakı aşağı maneələr ikiağızlı qılıncdır.
Problemlər gəlir imkanları şişirdildikdə, real müştəri tələbindən çox yeni iştirakçıların cəlbinə üstünlük verildikdə və ya iştirakçılar şirkətin icazə vermədiyi iddialar səsləndirdikdə yaranır. Məsuliyyətli mikrosahibkarlıq aydın standartlar tələb edir: mərkəzində real məhsullar və müştərilər dayanmalı, qazancın avtomatik olduğuna dair heç bir işarə verilməməli, məsuliyyətli satışı əhatə edən təlimlər keçirilməli və iştirakçılar qaydaları pozduqda tədbir görülməlidir.
«Hesabatlılıq olmadan əlçatanlıq imkanların genişləndirilməsi deyil, — deyə Mildenborn bildirir. — Şirkətlər real gözləntilər formalaşdırmağa, real məhsul tələbini mərkəzdə saxlamağa, lazımi təlim təmin etməyə və standartlar pozulduqda tədbir görməyə borcludur. Etimadı yalnız imkan verməklə qurmaq olmaz. O, davranışla qazanılmalıdır».
Birbaşa satış sənayesi üçün bu, həlledici etibarlılıq sınağıdır. Müstəqil distribyutorlar adətən şirkət əməkdaşları kimi deyil, müstəqil şəkildə fəaliyyət göstərirlər, lakin onların davranışı təmsil etdikləri biznesin və bütövlükdə sənayenin necə qavranılmasını yenə də formalaşdırır.
Asiyadan dünyaya açılan biznes modeli
QNET beynəlxalq brendlərin Asiyaya artım bazarı kimi daxil olması barədə tanış hekayənin əksi istiqamətində inkişaf etmiş şirkətin nümunəsidir.
1998ci ildə Honkonqda təsis edilən şirkətin təcrübəsi Asiya mənşəli bir şirkəti müxtəlif mədəniyyətlər, bazarlar və tənzimləmə sistemləri üzrə qurmağın mürəkkəbliyini əks etdirir. Mildenborn beynəlxalq birbaşa satış sənayesində iyirmi ildən artıq fəaliyyətdən sonra 2026cı ildə Baş İcraçı Direktor vəzifəsini öz üzərinə götürüb.
«Asiyadan qlobal miqyasa çıxmaq sadəcə eyni ssenarini hər ölkədə təkrarlamaq məsələsi deyil, — deyə o bildirir.
— İstehlakçı gözləntiləri, qaydalar və mədəni normalar fərqlənir. Şirkət ünsiyyət və fəaliyyət tərzini lokallaşdırmalı, eyni zamanda məhsullar, davranış və müştərilərin müdafiəsi ilə bağlı standartlarını dəyişməz saxlamalıdır».
Texnologiya bu əhatəni asanlaşdırır, lakin eyni zamanda zərərli təcrübələrin və reputasiya problemlərinin yayılma sürətini də artırır. Buna görə də rəqəmsal miqyas daha güclü nəzarətlə müşayiət olunmalıdır.
Asiyaya qısa yollar yox, daha çox giriş yolları lazımdır
Hər mikrosahibkar böyük şirkət qurmayacaq çoxları kiçik miqyasda və ya yarımştat rejimdə qalacaq, bəziləri isə sahibkarlığın onlara uyğun olmadığına qərar verəcək. Bu, təcrübəni əhəmiyyətsiz etmir. Müştəriyə yanaşmağı, dəyəri izah etməyi, maliyyəni idarə etməyi və nəticəyə görə məsuliyyət götürməyi öyrənmək — biznesin özü təvazökar qalsa belə — faydalı kommersiya bacarığı formalaşdırır.
Məqsəd insanların öz bacarıqlarını sınaya biləcəyi etibarlı giriş nöqtələri yaratmaqdır. Bu giriş nöqtələrini təmin edən bizneslər isə daha sərt meyarlarla qiymətləndirilməlidir: real müştəri tələbi mövcuddurmu, iddialar dəqiqdirmi, təlim mənalıdırmı və iştirakçılar başladıqları vaxtla müqayisədə daha güclü bacarıqlar əldə edirlərmi.
Hər sahibkara «pitch deck» lazım deyil. Amma sahibkar olmaq istəyən hər kəs başlamaq üçün ədalətli, şəffaf və məsuliyyətli bir yerə layiqdir.
Olimpiadaya qatılmış 157 nömrəli tam orta məktəbin 11ci sinif şagirdi Həsən Vəliyev, FizikaRiyaziyyat və İnformatika Təmayüllü liseyin 10cu sinif şagirdi Əkbər Əhmədov, həmçinin Bakı Türk Anadolu liseyinin 11ci sinif şagirdi Əhməd Qəmbərli bürünc medala layiq görülüblər.
Qeyd edək ki, Azercell, Azərbaycan Respublikasının Elm və Təhsil Nazirliyi və Təhsil İnstitutu arasında informatika üzrə milli yığmanın hazırlanması istiqamətində əməkdaşlıq 2017ci ildən həyata keçirilir. Bu əməkdaşlıq çərçivəsində şagirdlər üçün əlavə hazırlıq dərsləri təşkil olunur, beynəlxalq olimpiadalara sistemli hazırlıq prosesi dəstəklənir, eləcə də gənclərin proqramlaşdırma və İT sahəsində bilik və bacarıqlarının inkişafına töhfə verilir.
nteqrasiya nəticəsində müştərilər filiala getmədən bankın müxtəlif xidmətlərindən elektron formada yararlana bilirlər. Belə ki, SİMA İmza artıq AFB Mobile tətbiqində əmanətlərin yerləşdirilməsi, mikro kreditlərin rəsmiləşdirilməsi və nağd kreditlərin götürülməsi xidmətlərində tətbiq edilir. Bununla yanaşı, AFB Mobileda mövcud və yeni müştərilərin qeydiyyatı və rəqəmsal kartların sifarişi proseslərində də SİMA İmzadan istifadə olunur.
Bu inteqrasiya müştərilərə bank xidmətlərindən istifadə zamanı şəxsiyyətlərini rəqəmsal şəkildə təsdiqləməyə və tələb olunan sənədləri elektron formada imzalamağa imkan verir. Nəticədə bir sıra bank əməliyyatlarını filialdan kənarda, daha rahat və çevik şəkildə həyata keçirmək mümkün olur.
SİMA İmzanın bank xidmətlərinə inteqrasiyası bank əməliyyatlarının rəqəmsallaşdırılmasına və müştəri təcrübəsinin sadələşdirilməsinə xidmət edir. Eyni zamanda, kağız sənədləşməsinin və əlavə sənəd dövriyyəsinin azalmasına, bank xidmətlərindən məsafədən istifadə imkanlarının genişlənməsinə şərait yaradır.
SİMA İmza haqqında
SİMA yeni nəsil rəqəmsal imza AZCON Holding şirkətlərindən olan AzInTelecom MMC tərəfindən yaradılıb. Həll istifadəçilərə sənəd və müraciətləri fiziki daşıyıcıya ehtiyac olmadan, istənilən vaxt, istənilən yerdən sürətli şəkildə imzalamaq imkanı yaradır. SİMA rəqəmsal imzanı xidmət məntəqəsinə getmədən ödənişsiz şəkildə mobil tətbiq vasitəsilə əldə etmək mümkündür. AzVision.az
Dövlət İmtahan Mərkəzindən bildirilib ki, abituriyentlər avqustun 19u saat 23:59dək qəbul olmaq istədikləri ixtisasları Abituriyentin (subbakalavrın) elektron ixtisas seçimi ərizəsinə daxil edib ərizələrini təsdiqləməlidirlər.
Avqustun 19u saat 10:05ə olan məlumata görə, 81 min 346 abituriyent (subbakalavr) ərizəsini təsdiqləyib. Müsabiqədə yalnız ərizəsini təsdiq etmiş şəxslər iştirak edə biləcəklər.
Müsabiqədə iştirak edənlər elektron ixtisas seçimi ərizəsinin doldurulması və təsdiq edilməsi qaydası, müsabiqə şərtləri, ixtisas seçimi zamanı diqqət yetirilməli məsələlər və digər suallarla bağlı ödənişsiz fəaliyyət göstərən abituriyent məsləhət mərkəzlərinə müraciət edə bilərlər.
Məsləhət mərkəzləri 10 ali təhsil müəssisəsində, Dövlət İmtahan Mərkəzinin regional bölmələrinin yerləşdiyi şəhərlərdə, həmçinin müəyyən olunmuş tarixlərdə 50dən çox bölgədə rayon təhsil sektorlarında fəaliyyət göstərir.
Görüş zamanı iki qurum arasında əməkdaşlığın inkişaf etdirilməsi və potensial əməkdaşlıq istiqamətləri müzakirə olunub. Tərəflər MİSPə qoşulma, birgə təlimlərin təşkili və təcrübə mübadiləsi kimi məsələlər ətrafında fikir mübadiləsi aparıblar.
Görüş çərçivəsində kibertəhlükəsizlik və rəqəmsal idarəetmə sahəsində təcrübə və biliklərin paylaşılmasının hər iki qurum arasında əməkdaşlığın daha da inkişafına töhfə verəcəyi vurğulanıb.
AWS ekspertləri tərəfindən keçirilən təlimlərdə Azercellin mühəndislik, məhsulun inkişafı və texnologiyalar istiqamətləri üzrə mütəxəssisləri iştirak ediblər. Sessiyalar çərçivəsində süni intellekt əsaslı proqram təminatının hazırlanması, eləcə də rəqəmsal məhsulların inkişafına dair müasir yanaşmalar təqdim olunub.
Proqramın əsas mövzularından biri AWSin AIDriven Development Life Cycle (AIDLC) – süni intellektlə dəstəklənən proqram təminatının hazırlanması metodologiyası olub. Bu metodologiya proqram təminatının hazırlanmasının bütün mərhələlərində süni intellekt texnologiyalarının sistemli şəkildə tətbiqini nəzərdə tutur. Ənənəvi yanaşmalardan fərqli olaraq, AIDLC çərçivəsində süni intellekt planlaşdırma, kodlaşdırma, test və sənədləşdirmə kimi proseslərdə aktiv rol oynayır, mühəndislər isə ümumi nəzarəti həyata keçirir, nəticələri qiymətləndirir və strateji qərarların qəbulunu təmin edirlər. Bu həll tərtibatçılar və süni intellekt alətləri arasında əməkdaşlığın daha səmərəli qurulmasına, innovasiyaların sürətləndirilməsinə, həmçinin proqram həllərinin keyfiyyət və etibarlılığının artırılmasına imkan yaradır.
+++
Təlimlərdə iştirakçılar süni intellekt dəstəyi ilə proqram təminatının hazırlanmasına dair real nümunələrlə tanış olublar. Bundan əlavə, müasir süni intellekt alətlərinin tərtibatçıların məhsuldarlığına, inkişaf proseslərinin səmərəliliyinə, yeni funksiyaların bazara çıxarılma müddətinə və rəqəmsal həllərin etibarlılığına təsiri müzakirə edilib.
AWS ilə əməkdaşlıq Azercellin qabaqcıl texnologiyaların tətbiqinin genişləndirilməsinə yönəlmiş uzunmüddətli strategiyasının mühüm istiqamətlərindən biridir. Bu yanaşma eyni zamanda əməkdaşların süni intellekt sahəsində bilik və bacarıqlarının davamlı inkişafını dəstəkləyir. Davamlı öyrənmə və peşəkar inkişafa investisiya yatırmaqla şirkət əməkdaşlarının texnoloji yeniliklərə çevik uyğunlaşmasını və sürətlə dəyişən rəqəmsal mühitin tələblərinə hazır olmasını hədəfləyir.
Azərbaycanın rəqəmsal ekosisteminin aparıcı qüvvələrindən biri olan Azercell beynəlxalq tərəfdaşlarla əməkdaşlığını genişləndirərək ölkədə qabaqcıl texnologiyaların tətbiqini təşviq etməyə və süni intellekt üzrə praktiki bacarıqların inkişafına töhfə verməyə davam edəcək.
İslam Sivilizasiyası Mərkəzində baş tutan paneldə ICESCOnun baş direktoru Salim ƏlMalik, IRCICAnın baş direktoru Mahmut Erol Kılıç və digər rəsmi şəxslər iştirak ediblər.
Bütün Qafqazın Şeyxi Allahşükür Paşazadə öz nitqinə ‘’Doğma yurdum Azərbaycanla ikinci vətənim Özbəkistan arasında əbədi qardaşlıq əlaqələrinə ithaf etdiyimiz nəşrin təqdimat mərasimində bir araya gəlmişik’’ fikri ilə başlayıb. Bütün Qafqazın Şeyxi Allahşükür Paşazadə Azərbaycan Prezidenti İlham Əliyev və Özbəkistan Prezidenti Şavkat Mirziyoyeviun dinlər və mədəniyyətlərarası dialoqa verdikləri töhfələrdən danışarkən qeyd edib ki, mədəniyyətlərarası dialoqa dair 18 illik tarixə malik Bakı Prosesinin müəllifi, İslam Həmrəyliyi və insan qardaşlığı ideyalarının qlobal müstəvidə təşəbbüskarı və ardıcıl müdafiəçisi, İslamofobiyaya qarşı qətiyyətli mövqe nümayiş etdirən Azərbaycan Prezidenti Zatialiləri İlham Əliyev cənablarının səyləri hər birimiz üçün fəxr mənbəyidir: ‘’Tarixən Mavərənnəhrin, bu gün Mərkəzi Asiyasının mənəvi mərkəzi statusunu daşıyan Özbəkistanın dini dözümsüzlüyə, İslamofobiyaya qarşı İslam dünyasının manifestini BMT tribunasından təqdim edən Özbəkistan Prezidenti Zatialiləri Şavkat Mirziyoyev cənablarının səy və əməlləri ilə qürur duyuruq.
Allahşükür Paşazadə həmçinin Ümumilli Lider Heydər Əliyevin Azərbaycan Özbəkistan əlaqələrinin təməlində dayandığını da xüsusi olaraq qeyd edib: Şükürlər olsun, Azərbaycan xalqının ümummilli lideri, ulu öndərimiz Heydər Əliyev cənablarının dönəmində müstəqil AzərbaycanÖzbəkistan əlaqələrində təməli qoyulmuş müdrik yol bu gün davam və inkişaf etdirilir.
Qeyd edək ki, ‘’Qardaşlıq və müttəfiqliyin ali zirvəsi’’ kitabalbomunun Özbəkistan ictimaiyyəti üçün təqdim etmə mərasimi iyulun 7də, Özbəkistan Kinematoqrafiya Agentliyinin geniş zalında keçirilib. Mərasimdə Özbəkistan Prezidentinin müşaviri Şuhrat Qaniyev, Millətlərarası münasibətlər və xaricdəki həmvətənlərin məsələləri komitəsinin sədri Qahramon Sarıyev, rəsmi şəxslər, ictimiayyət nümayəndələri iştirak edib, nəşri Azərbaycan və Özbəkistan xalqlarının ensiklopediyası kimi qiymətləndiriblər. İki dildə Azərbaycan və özbək dillərində işıq üzü görən nəşrin materialları müxtəlif dövrlərdə Qafqaz Müsəlmanları İdarəsinin sədri, Şeyxülislam Allahşükür Paşazadənin Azərbaycan və Özbəkistanda keçirilən tədbirlərdəki çıxışları, konfrans materiallarıı, məktub və məruzələri və fotoşəkillərdən ibarətdir.
Mətbuata qapalı keçirilən görüşdə Xarici İşlər Naziri Hakan Fidan, Xəzinədarlıq və Maliyyə Naziri Mehmet Şimşek, Milli Müdafiə Naziri Yaşar Güler, AK Partiyasının sədr müavini və partiya sözçüsü Ömər Çelik, Baş Qərargah rəisi general Səlcuq Bayraktaroğlu, Milli Kəşfiyyat Təşkilatının rəhbəri İbrahim Kalın, Prezidentin Kommunikasiya Direktoru Burhanəddin Duran, Prezident Aparatının rəhbəri Həsən Doğan, Prezidentin Xarici Siyasət və Təhlükəsizlik üzrə müşaviri Akif Çağatay Kılıç və Türkiyənin Vaşinqtondakı səfiri Sedat Önal iştirak edir.
Müzakirələr zamanı TürkiyəABŞ münasibətlərinin vəziyyəti, ikitərəfli əməkdaşlığın inkişaf perspektivləri, regional və beynəlxalq gündəmdə yer alan məsələlərin müzakirəsi gözlənilir.
Rahat ödəniş imkanları: Alfa Plan istifadəçiləri nömrəyə ayrılan kredit limitindən faydalanaraq mobil xidmətlərdən fasiləsiz yararlanmaq, ödənişlərini 45 günədək həyata keçirmək imkanı əldə edir.
Azərbaycanda ilk dəfə uzunmüddətli abunə modeli: Yeni tariflərin daha bir üstünlüyü uzunmüddətli abunə modelinin tətbiqidir. Yerli telekommunikasiya bazarında ilk dəfə olaraq təqdim edilən bu model çərçivəsində istifadəçilər tarif paketlərinə 1 illik müqavilə ilə qoşulduqda aylıq abunə haqqına 10%, 2 illik müqavilədə isə 20%dək endirim əldə edə bilərlər.
Əlavə üstünlüklər: Seçdikləri tarifdən asılı olaraq istifadəçilər SIM kartın ödənişsiz dəyişdirilməsi, müraciətlərinin prioritet qaydada icrası və Azercell müştəri xidmətləri mərkəzlərində Sürətli xidmət kimi əlavə üstünlüklərdən də yararlana bilərlər.
Azercellin Yeni Alfa Plan tarifləri ilə ən üstün mobil rabitə təcrübəsindən faydalanın!
Əlavə məlumat üçün: Alfa Plan tarifi | Azercell
Ümumilikdə 400ə qədər şəhid övladını və 7 həftəni əhatə edəcək layihə çərçivəsində uşaqlar üçün əyləncə saatları, öyrədici təlimlər, teatr tamaşaları, öz sahəsinin peşəkarları ilə, qurum rəhbərləri ilə görüşlər, ekskursiyalar, habelə psixoloqların iştirakı ilə təlimlər, konsultasiyalar və müğənnilərin iştirakı ilə konsert proqramları keçiriləcək.
Lankaran Springs Wellness Resort Hotelində baş tutacaq hər bir düşərgə 5 gecə 6 günü əhatə edəcəkdir.
Düşərgələrdə şəhidlərimizin 1011, 1213 yaş kateqoriyasında olan övladlarının iştirakı nəzərdə tutulub.
Açılış mərasimində YAŞAT Fondunun rəhbəri, Qarabağ qazisi Elvin Hüseynov və digər qonaqlar iştirak ediblər. Onlar uşaqlara düşərgə müddətində həyata keçiriləcək təşəbbüslər barədə məlumat verib və uğurlar arzulayıblar.
İlk gün düşərgə iştirakçısı Elçin Ömərovun doğum günü də qeyd olunub.
Düşərgə boyunca uşaqlar sığortalanmış olacaqlar və davamlı olaraq həkim nəzarəti, psixoloqlar tərəfindən müşayiət olunacaqlar. Psixoloqlar tərəfindən terapiyalar, o cümlədən fərdi və kollektiv görüşlər keçiriləcək.
Tərəfdaşlar: TABİA Group və Lankaran Springs Wellness Resort Hotel
Sponsorlar: NEQSOL Holding, Bakcell, Norm ASC
Dəstəkçilər: Happy day cake, Cırtdan Entertainment MMC, Asterias Təlim və İnkişaf Mərkəzi, Circus Sea Breeze, Badamlı Mineral Suları.
Bu barədə Qarabağ Regional Təhsil İdarəsinin müdiri Sənan Məsimli məlumat verib.
Bildirilib ki, region üzrə fəaliyyət göstərən orta məktəblərdə təhsil alan məzunlar üçün Son zəng tədbirləri təşkil olunub. Məzunlar məktəb illərində qazandıqları bilik və bacarıqlarla yeni həyat mərhələsinə qədəm qoyurlar.
Sənan Məsimli qeyd edib ki, işğaldan azad olunmuş ərazilərdə fəaliyyət göstərən 18 ümumtəhsil məktəbində də bu il məzun sevinci yaşanıb. Həmin məktəbləri 128 şagird bitirib.
Qarabağ Regional Təhsil İdarəsinin müdiri məzunları təbrik edərək onlara gələcək təhsil və peşə fəaliyyətlərində uğurlar arzulayıb, Azərbaycanın inkişafına töhfə verən layiqli vətəndaşlar kimi yetişəcəklərinə inamını ifadə edib.
Dövlət sərhədinin etibarlı mühafizəsinin təmin edilməsi, narkotik vasitələr, psixotrop maddələr və onların prekursorlarının qanunsuz dövriyyəsinə qarşı mübarizə tədbirləri uğurla davam etdirilir.
DSXnin mətbuat xidmətindən verilən məlumata görə, Dövlət Sərhəd Xidmətinin Sərhəd Qoşunları Komandanlığının Lənkəran sərhəd dəstəsinin xidməti ərazisində aparılmış sərhəd axtarışı və əməliyyat tədbirləri nəticəsində külli miqdarda narkotik vasitənin pilotsuz uçuş aparatı (PUA) vasitəsilə İran İslam Respublikasından Azərbaycan Respublikası ərazisinə keçirilməsinin qarşısı alınıb.
Axtarış tədbirləri nəticəsində sərhədyanı sahədən ümumi çəkisi 13 kiloqram 956 qram narkotik vasitə marixuana aşkar olunaraq götürülüb.
Fakt üzrə əməliyyatistintaq tədbirləri davam etdirilir.
Şirkət dünya klassik musiqisinin seçilmiş nümunələrini bir araya gətirən Signature Gala Night tədbirinə tərəfdaşlıq edib.
Tədbirdə ispan səhnəsinin tanınmış ifaçısı Angeles Toledano, məşhur The Magic of Sanremo layihəsinin iştirakçıları, virtuoz gitaraçı Benito Bernal, Azərbaycanın xalq artisti Samir Cəfərov, əməkdar artist Ramil Qasımov və digər tanınmış musiqiçilər səhnə alıblar. Musiqi proqramı Azərbaycan Dövlət Akademik Opera və Balet Teatrının Böyük Akademik Orkestrinin müşayiəti ilə təqdim olunub. Konsertə teatrın baş dirijoru, əməkdar incəsənət xadimi Əyyub Quliyev rəhbərlik edib.
Bakcellin tədbirə verdiyi dəstək şirkətin mədəni irsin qorunması, incəsənətin təşviqi və cəmiyyət üçün dəyər yaradan təşəbbüslərin inkişafına yönəlmiş fəaliyyətinin tərkib hissəsidir. Şirkət ölkədə mədəniyyət və incəsənətin inkişafına töhfə verən layihələri dəstəkləməyə davam edir.
Qeyd edək ki, Signature Gala Night yerli və beynəlxalq sənətçilərin iştirakı ilə klassik musiqi ənənələrini bir araya gətirən xüsusi mədəniyyət layihəsidir.
Bakcell haqqında
Bakcell Azərbaycanın ilk və ən böyük özəl telekommunikasiya şirkətidir. Hazırda şirkət üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Ölkə iqtisadiyyatının qeyrineft sektorunun ən böyük investorlarından biri olan Bakcell süni intellekt əsaslı innovativ həllərlə Azərbaycanın dayanıqlı inkişafına töhfə verir.
Bakcell müxtəlif ölkələrdə və sahələrdə fəaliyyət göstərən NEQSOL Holding beynəlxalq şirkətlər qrupunun tərkibində olan Azerconnect Groupa daxildir.
Bu barədə Kremlin sözçüsü Dmitri Peskov məlumat verib.
Açılış mərasimi videokonfrans formatında keçiriləcək. Peskovun sözlərinə görə, bu tarixi teatrın kökləri XIX əsrə gedib çıxır. Vaxtilə Dərbənddə Azərbaycan ziyalıları tərəfindən yaradılmış türk dərnəyi sonradan Azərbaycan teatrına çevrilib.
Bildirilib ki, açılış günü münasibətilə Dərbəndə Azərbaycandan da qonaqlar gələcək.
Qeyd edək ki, teatrın yenidən qurulması 2025ci ilin dekabr ayının sonunda başa çatıb. Binada 272 yerlik müasir tamaşa zalı yaradılıb, qrim otaqları, xidmət və texniki sahələr yenilənib. Teatr həmçinin müasir işıq və səs avadanlıqları ilə təchiz olunub.